In:
Journal of Applied Ecology, Wiley, Vol. 60, No. 8 ( 2023-08), p. 1720-1733
Abstract:
Nā ngā uara matatini, ngā uara tukituki (whāinga) i pupurihia e ngā momo rōpū, nā ngā whiringa whakahaere matatini (ngā ara rerekē), nā ngā hua pitomata e kore ā muri e hokia, nā te rangawhāwhā o te whakapōkaikaha, me ngā anganga pūata‐kore o te kāwanatanga ngā whakataunga whakauka i uaua ai. Kua whakakaha ake ēnei take rīraparapa ina he koiora nekeneke, he koiora nukunuku te koiora whawhāiti, ka whakamahi i ngā pūnaha rauropi wai me te whenua, ā, ka whai pānga hoki ki te ao o te tangata. Ahakoa ko whakatauria kētia ēnei whakatau, kei reira tonu te wero hei taero i te whakatinanatanga o taua whakatau. Ko te tātari i ngā whakatau tērā tētahi ara whai rongoā, engari itiiti noa nei ngā wā ka tuku atu ki te whakahaerenga whakauka, koia anō rā te koiora nukunuku, whakawhiti i ngā pūnaha rauropi. I whakaritea e mātou he tātaritanga whakataunga ōkawa ki te whakahaerenga whakauka o tētahi manutai nukunuku (Kuaka: Whenua Hou Diving Petrel; Pelecanoides whenuahouensis) e whakawhiti nei i ngā momo pūnaha rauropi. E mahitahi ana ki te Māori (Te Iwi Taketake o Aotearoa), ki ngā kaimahi kāwanataka me ngā kanohi ahumahi, ā, i tautohuhia e mātou kia 11 ngā whiringa e āhei ana. Nā ngā tauira taupori kōmitimiti tino hou nei me ngā tōnga nō ngā mātanga mai i ngā taupānga ‘Shiny’ mātou i matapae ngā momo hua o ngā momo whiringa whakawhiti atu ki ngā momo whāinga hoki. Ā, kātahi ka whakamahia e mātou ētahi momo taputapu tātari‐whakataunga ki te ine i ngā āhuatanga e taea ai te tuku, ā, nā reira i tautohutia te ara kua whiria. Ko te ara kua whiria e whakawhiti nei i ngā momo whāinga, ko tērā i hangaia ki te whakamāurutanga o te pa'anga rama, te whakahaeretanga o ngā tipu me ngā koiora whakatukituki, ā, ko ngā nukuhanga taupori hoki ki waenga i ngā moutere. Ko matapaehia, mā tēnei whiringa e whakaputa mai ngā hua tino pai rawa o te whakauka e whakawhiti atu nei ki ngā uara me ngā pūnaha rauropi, ā, kua tere whakaū tonu mā tētahi anga poutama e whai nei i te tātaritanga whakataunga. Te kōtuitanga me te whakaūtanga . Ka whakatauirahia e mātou ngā hua o te tātaritanga whakataunga ki te tikanga kauawhi ki ngā kaiuru katoa ahakoa ngā momo kapapori kanorau, ahakoa ngā tirohanga rerekē, ka whakamana i te whakaterenga o ngā whakataunga matatini, ā, ka whakahaere i te tautohutanga mārama o ngā whiringa whakahaere e whakaaetia nuitia ana e whakawhiti nei i ngā uara matua, tae noa atu ki te tikanga Māori me ngā take ahumahi. Hei tāpirihanga, ka whakaaturia e mātou nā tā mātou tātaritanga whakataunga i tere kapi i te āpitinga whakaū rangahau, nā reira, e tohe ana mātou he pitomata i kore ki te whakapikinga kounga o te whakaukanga ki te whenua tonu i te whakaūtanga atu o te tātaritanga.
Type of Medium:
Online Resource
ISSN:
0021-8901
,
1365-2664
DOI:
10.1111/1365-2664.14448
Language:
English
Publisher:
Wiley
Publication Date:
2023
detail.hit.zdb_id:
2020408-5
detail.hit.zdb_id:
410405-5
SSG:
12
Permalink